កម្លាំងនគរបាលព្រហ្មទណ្ឌកំរិតស្រាល បានបញ្ជូនជនសង្ស័យ៣នាក់ ទៅតុលាការដើម្បីបន្តនីតិវិធី
17-April-2020 | ដោយ ពលមនសិការ
ភ្នំពេញ៖ នៅរសៀលថ្ងៃទី១៧ ខែមេសា ឆ្នាំ២០២០នេះ កម្លាំងនគរបាលព្រហ្មទណ្ឌកំរិតស្រាល នៃស្នងការដ្ឋាននគរបាលរាជធានីភ្នំពេញ បានបញ្ជូនជនសង្ស័យ៣នាក់ ទៅអយ្យការអមសាលាដំបូងរាជធានីភ្នំពេញ ដើម្បីបន្តនីតិវិធី។
លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកំរិតស្រាល បានឲ្យដឹងថា កម្លាំងជំនាញរបស់ការិយាល័យបានឃាត់ខ្លួនជនសង្ស័យចំនួន០៣ នាក់(ស្រី០១នាក់) ដែលបានប្រព្រឹត្តបទល្មើស អំពើលួចមានស្ថានទម្ងន់ទោស (ឆក់ទ្រព្យសម្បត្តិ) ចំនួន០៤ករណី កាលពីថ្ងៃទី១៥ និងថ្ងៃទី១៦ ខែមេសា ឆ្នាំ២០២០។
ករណីទី១៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ខ្សែកផ្លាកទីនសដាំត្បូងពេជ្រ) នៅចំណុចមុខផ្ទះលេខ២DE0 ផ្លូវលេខ១១២ កែងផ្លូវលេខ២៣៣ ភូមិ៣ សង្កាត់ផ្សារដេប៉ូ៣ ខណ្ឌទួលគោក រាជធានីភ្នំពេញ កាលពីថ្ងៃទី១៥ ខែមេសា ឆ្នាំ២០២០ វេលាម៉ោងប្រហែល១៦និង៣០នាទី។
ជនរងគ្រោះឈ្មោះ ទូច សារីណា ភេទស្រី អាយុ២៦ឆ្នាំ ជនជាតិ ខ្មែរ ស្នាក់នៅផ្ទះលេខ ២អឺ១ ផ្លូវលេខ៥៦៦ សង្កាត់បឹងកក់២ ខណ្ឌទួលគោក រាជធានីភ្នំពេញ។ សម្ភារបាត់បង់ៈខ្សែកផ្លាកទីនសដាំត្បូងពេជ្រ តម្លៃ១៩០០ដុល្លារអាមេរិក
ករណីទី២៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ខ្សែក) នៅចំណុចមុខផ្ទះលេខ៩៥២ ផ្លូវលេខ១២៨ ក្រុម១៨ ភូមិ៥ សង្កាត់ទឹកល្អក់១ ខណ្ឌទួលគោក រាជធានីភ្នំពេញ កាលពីថ្ងៃទី១៥ ខែមេសា ឆ្នាំ២០២០ វេលាម៉ោងប្រហែល ១៧និង០០នាទី។
ជនរងគ្រោះឈ្មោះ លឹម សារ៉ាត់ ភេទប្រុស អាយុ២៣ឆ្នាំ ជនជាតិ ខ្មែរ ស្នាក់នៅផ្ទះលេខ១១ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ។
ករណីទី៣៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់កាបូបដៃតូចពណ៌ខ្មៅ) នៅចំណុចមុខផ្ទះលេខ ៧៨ ផ្លូវលេខ១៦៨ កែងផ្លូវលេខ២៧៦ ជិតស្តុបវត្តមហាមន្ត្រី ភូមិ ៤ សង្កាត់អូរឡាំពិក ខណ្ឌបឹងកេងកង រាជធានីភ្នំពេញ កាលថ្ងៃទី២៩ ខែធ្នូ ឆ្នាំ២០១៩ វេលាម៉ោង១៤និង០០នាទី។
ជនរងគ្រោះឈ្មោះ វី សុធឿន ភេទប្រុស អាយុ៥៨ឆ្នាំ ជនជាតិខ្មែរ មុខរបរយោធា មានទីលំនៅផ្ទះលេខ១៤ ផ្លូវលេខ៥៧ ភូមិពង្រ ឃុំកំពង់ស្វាយ ស្រុកសេរីសោភណ្ឌ ខេត្តបន្ទាយមានជ័យ។
សម្ភារបាត់បង់ៈ កាបូបពណ៌ខ្មៅ ចំនួន០១, ប្រាក់ដុល្លារចំនួន ៣១,០០០ដុល្លារអាមេរិក,ខ្សែកមាសទម្ងន់ ៦តម្លឹង, អត្តសញ្ញាណប័ណ្ណយោធា០១សន្លឹក, អត្តសញ្ញាណប័ណ្ណសញ្ជាតិខ្មែរ០១សន្លឹក,បណ្ណ័ប្រើប្រាស់អាវុធ, លិខិតបញ្ជាបេសកម្ម និងសម្ភារមួយចំនួន។
ករណីទី៤៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (ឆក់ខ្សែកផ្លាទីន) នៅចំណុចមុខផ្ទះលេខ ២៦៧ ផ្លូវលេខ ១៥៦ ភូមិ ១២ ក្រុម៣៤ សង្កាត់ ទឹកល្អក់ទី២ ខណ្ឌទួលគោក រាជធានីភ្នំពេញ កាលពីថ្ងៃទី២២ ខែមីនា ឆ្នាំ២០២០ វេលាម៉ោង០៨និង៣០នាទី។
ជនរងគ្រោះឈ្មោះ រឿន សំនៀង ភេទប្រុស អាយុ២៩ឆ្នាំ ជនជាតិ ខ្មែរ មុខរបរលក់ដូរ ស្នាក់នៅផ្ទះលេខ៤សេ ផ្លូវលេខ២៣០ ក្រុម១៦ សង្កាត់បឹងសាឡាង ខណ្ឌទួលគោក រាជធានីភ្នំពេញ។
សម្ភារបាត់បង់ៈ ខ្សែកផ្លាកទីនទម្ងន់៨ជី។
ជនសង្ស័យទី១-ឈ្មោះ សោម វ៉ាលីសា ហៅណុច ហៅ ហ្សា ភេទ ប្រុស អាយុ២០ឆ្នាំ ជនជាតិខ្មែរ មុខរបរយោធា ស្នាក់នៅផ្ទះលេខ១៣អឺ០ ផ្លូវលេខ២៧១ សង្កាត់បឹងសាឡាង ខណ្ឌទួលគោក រាជធានីភ្នំពេញ ឃាត់ខ្លួនថ្ងៃទី១៦ ខែមេសា ឆ្នាំ២០២០ វេលាម៉ោង ១០និង៥០នាទី នៅចំណុចផ្លូវលំ សង្កាត់ត្រពាំងក្រសាំង ខណ្ឌពោធិ៍សែនជ័យ រាជធានីភ្នំពេញ, ទី២-ឈ្មោះ អ៊ី សុភ័ក្រនិត ហៅ ឌី ណារត្ន័ ភេទប្រុស អាយុ២១ឆ្នាំ ជនជាតិខ្មែរ មុខរបរលក់ដូរ ស្នាក់នៅផ្ទះគ្មានលេខ ផ្លូវលំ ភូមិដីថ្មី សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ឃាត់ខ្លួនថ្ងៃទី១៥ ខែមេសា ឆ្នាំ២០២០ វេលាម៉ោង១៥និង២០នាទី នៅចំណុចផ្លូវលេខ៥៩២ កែងផ្លូវលេខ៣៣៥ ភូមិ៣ សង្កាត់បឹងកក់២ ខណ្ឌទួលគោក រាជធានីភ្នំពេញ, ទី៣-ឈ្មោះ លី រ៉ាណែត ភេទស្រី អាយុ២០ឆ្នាំ ជនជាតិខ្មែរ មុខរបរ លក់ដូរ ស្នាក់នៅផ្ទះមិនចាំលេខ ផ្លូវជាតិលេខ៥ ភូមិឃ សង្កាត់ច្រាំងចំរេះ២ ខណ្ឌឬស្សីកែវ រាជធានីភ្នំពេញ ឃាត់ខ្លួនថ្ងៃទី១៥ ខែ មេសា ឆ្នាំ២០២០ វេលាម៉ោង១៥និង២០នាទី នៅចំណុចផ្លូវលេខ៥៩២ កែងផ្លូវលេខ៣៣៥ ភូមិ៣ សង្កាត់បឹងកក់២ ខណ្ឌទួលគោក រាជធានីភ្នំពេញ។
វត្ថុតាងចាប់យកៈ ម៉ូតូម៉ាកហុងដាស្កុបពី ពណ៌ស ស៊េរីឆ្នាំ២០១៩ លេខតួ លេខម៉ាស៊ីន១១០៣៧០៧២ ពាក់ស្លាកលេខ ១HG- ២៦៦៥ (ចាប់យកពីឈ្មោះ អ៊ី សុភក្រ័និត ហៅ ឌី ណារ័ត្ន), ម៉ូតូម៉ាកហុងដាសេ១២៥ ពណ៌ក្រហម ស៊េរីឆ្នាំ២០២០ លេខតួ-លេខម៉ាស៊ីន ៥៧៥៦៧២០ គ្មានស្លាកលេខ, កាបូបស្ពាយ, កាបូបយួរ ចំរុះម៉ាក ចំនួន១៣មាន៖
-ម៉ាក CHI ពណ៌ ទឹកដោះគោ
-ម៉ាក LV ពណ៌ ត្នោត
-ម៉ាក MONTBLANC
-ម៉ាក LOUIS VUITTON ពណ៌ ក្រឡាត្នោត
-ម៉ាក COACH ពណ៌ ស
-ម៉ាកគ្មានកាបូបដៃ ពណ៌ ស
-ម៉ាក AUDPIGET ពណ៌ សូកូឡា
-ម៉ាក JIN YANLI ពណ៌ ក្រហម
-ម៉ាកROSETTI ពណ៌ ខ្មៅ
-ម៉ាក LOUISA VUITTON ពណ៌ សូកូឡាក្រឡា
-ម៉ាក LV ពណ៌ សូកូឡា ,ម៉ាកBASTO ពណ៌ ខ្មៅ
-កាបូបដែកគ្មានម៉ាក
-គ្រឿងអលង្កាកាឡៃ មួយចំនួន
-នាឡិការដៃចំនួន ០២ គ្រឿង ម៉ាក ROMANSON និងម៉ាក EMPORD ARMANI (ចាប់យកពីឈ្មោះ សោម វ៉ាលីសា ហៅ ណុច ហៅ ហ្សា) ៕
ចំនួនអ្នកទស្សនា
- ថ្ងៃនេះ11491
- ម្សិលមិញ12561
- សប្តាហ៍នេះ39441
- ខែនេះ61321
- ឆ្នាំនេះ61321
- សរុប20503777